O pasado 18 de novembro, o equipo coordinador de A Caixa sostible presentou no XXXV Congreso de ENCIGA (Asociación de Ensinantes de Ciencia de Galicia) no IES Eduardo Pondal de Ponteceso a contribución: A Caixa Sostible: Poxecto de sustentabilidade entre a Universidade de Vigo e os centros educativos de secundaria galegos.
Este é un proxecto impulsado por un grupo de 11 docentes e investigadores da escola e coordinado polo subdirector Santiago Pozo, investigador do grupo Gestión Segura y Sostenible de Recursos Minerales (GESSMin), que ten como obxectivo fomentar ou espertar vocacións científico-técnicas no ámbito educativo preuniversitario. Para elo, contan coa colaboración da Fundación Española para la Ciencia y la Tecnología (FECYT) do Ministerio de Ciencia e Innovación e a cofinanciación de la EEME, do Consello Social da UVigo e do Colexio Oficial de Enxeñeiros de Minas do Noroeste de España, así como co apoio da ENCIGA (Enseñanzas de Ciencias de Galicia) e da Plataforma Minería Sostenible.
Nesta conferencia o coordinador do proxecto Santiago Pozo, presentou ao profesorado dos institutos galegos asistente cada unha das actividades incluidas na Caixa.
Estas actividades, explicou Pozo, «permitirán que alumnado, profesorado, familias e veciñanza coñezan o nivel de sustentabilidade que presentan os seus institutos e municipios, a calidade das súas aguas, o tipo de emprego que se fai dos recursos minerais e rochas e a posibilidade de empregar o seu patrimonio xeolóxico-arqueolóxico como recurso económico. Deste xeito dotaranse a mocidade de ferramentas que lles permitirán avaliar dunha forma sinxela o grao de eficiencia que presentan as viviendas, industrias, luminarias, automóbiles, etc. e ao mesmo tempo tomarán conciencia da necesidade de adoptar medidas para reducir o consumo de enerxía sen desperdiciala.